İngiltərə Çempionşipində çıxış edən “Sauthempton” komandasının baş məşqçisi Tonda Ekkert casusluq işi ilə bağlı şərti diskvalifikasiya olunub.
Arena.az xəbər verir ki, İngiltərə Futbol Assosiasiyası (FA) 44 yaşlı mütəxəssisə 6 həftəlik şərti diskvalifikasiya cəzası verib.
Tonda Ekkert, həmçinin 28 min funt sterlinq məbləğində cərimələnib.
“Sauthempton” may ayında İngiltərə Premyer Liqasına vəsiqə uğrunda pley-offun finalından kənarlaşdırılıb və 2026/2027 mövsümündə 4 xalından məhrum edilib. Buna səbəb yarımfinalda “Sauthempton”a 0:0, 1:2 hesabları ilə məğlub olan “Midlsbro”nun şikayəti olub. “Midlsbro” rəqib komandanı casusluqda və məşq prosesinin çəkilişini aparmaqda ittiham edib.
İyul ayında Ekkertə 2025-ci ilin dekabrından 2026-cı ilin mayınadək rəqib komandalar barədə üç dəfə casusluq etdiyi ilə bağlı ittiham irəli sürülüb. Mütəxəssis hər üç epizod üzrə günahını etiraf edib.
“Sauthempton” hazırda İngiltərə Çempionşipinin turnir cədvəlində 13-cü pillədə qərarlaşıb. Komandanın 8 turdan sonra 10 xalı var.
