Uruqvay futbolunun canlı əfsanələrindən olan Dieqo Forlan bundan sonra ölkəsinin əsas milli komandasında baş məşqçi kimi fəaliyyət göstərəcək.
Arena.az xəbər verir ki, futbol üzrə dünya çempionatında (DÇ-2026) qrup mərhələsini keçə bilməyən Uruqvay milli komandasında baş məşqçi dəyişikliyi baş verib.
Yığmanın baş məşqçisi Marselo Byelsa öncədən də bəyan etdiyi kimi, mundialdakı çıxışları başa çatandan dərhal sonra vəzifəsindən ayrılıb.
Artıq komandanın yeni baş məşqçisi də məlumdur. Uruqvay Futbol Federasiyası Marselo Byelsanın yerinə əfsanəvi sabiq futbolçu Dieqo Forlanı gətirib.
47 yaşlı mütəxəssis milli komandaya müvəqqəti rəhbərlik edəcək. Onun 2027-ci ilin mart ayına qədər bu vəzifədə çalışacağı açıqlanıb.
Xatırladaq ki, Dieqo Forlan 2019-cu ildə peşəkar futbolçu karyerasını başa vurduqdan sonra məşqçiliyə başlayıb. O, 2020-ci ildə “Penyarol”, 2021-ci ildə isə “Atletiko Atenas” komandasını çalışdırıb.
