“Everton”un idarə heyətinin sədri Bill Kenrayt qaraciyərindəki xərçəng şişini çıxarmaq üçün əməliyyat keçirdikdən sonra evində sağalır.
Arena.az bu barədə Premyer Liqa klubunun rəsmi saytına istinadən məlumat verir:
“Prosedur uğurlu keçib, lakin əməliyyat zamanı yaranan fəsadlar intensiv terapiya şöbəsində uzun müddət qalmağı tələb etdi. Cənab Kenrayt indi xəstəxanadan buraxılıb. Uzun müddət davam edəcəyi gözlənilən sağalma prosesini davam etdirmək üçün evə qayıdıb. Prosedur gününə qədər sədr bütün klub vəzifələrini yerinə yetirməyə davam edib.
Cənab Kenrayt həmişə şəxsi həyatını ciddi şəkildə qoruyub və bu çətin dövrdə onun məxfiliyinə hörmət edildiyinə görə minnətdardır. O, ümid edir ki, bu açıqlamadan sonra vəziyyət eyni qalacaq”, – “Everton”un rəsmi saytında deyilir.
