“Yuventus” “byankoneri”nin 27 yaşlı italyan mərkəz müdafiəçisi Federiko Qatti ilə müqaviləsinin müddətini uzadıb.
Arena.az bu barədə “Yuventus”un mətbuat xidmətinə istinadən məlumat verir.
Yenilənmiş müqavilənin müddəti 2030-cu ilin iyun ayının sonuna qədər qüvvədə olacaq.
Federiko Qatti “Alessandriya”nın məzunudur. Müdafiəçi, karyerası ərzində icarə əsasında “Pavarolo” və “Salutso”da, həmçinin tamhüquqlu əsasda “Verbniya”, “Pro Patriya”, “Frozinone” və “Yuventus”da çıxış edib.
Geridə qalmış mövsüm ərzində Qatti “Yuventus” üçün 46 oyuna çıxıb, 1 qol və 2 məhsuldar ötürmə ilə fərqlənib.
Qatti 2022-ci ilin iyun ayında debüt etdiyi İtaliya yığmasının heyətində məhsuldar fəaliyyəti ilə diqqət çəkmədiyi 6 oyun keçirib.
Qattinin qənimətlər muzeyində “Yuventus”la qazandığı İtaliya Kuboku (2023/2024) var.
“Transfermarkt” internet-portalı 27 yaşlı italyan mərkəz müdafiəçisinin transfer dəyərini 24 milyon avro məbləğində qiymətləndirir.
