Bu gün Səudiyyə Ərəbistanında təşkil olunmuş İtaliya Super Kuboku uğrunda ikinci yarımfinal qarşılaşması baş tutub.
Arena.az xəbər verir ki, sonuncu finalçı “İnter” və “Latsio” komandaları arasında keçirilmiş oyunda müəyyənləşib.
Rəqibini 3 cavabsız qolla məğlub edən Milan təmsilçisi yenidən finalda oynamaq hüququ qazanıb.
Xatırladaq ki, daha öncə İtaliya A Seriyasının sonuncu qalibi “Napoli” də “Fiorentina”nı 3 cavabsız qolla məğlub edərək finala yüksəlmişdi.
Beləliklə, İtaliya Super Kuboku uğrunda həlledici oyunda son ölkə çempionu “Napoli” ilə son iki mövsümdə super kubokun qalibi olmuş “İnter” üz-üzə gələcəklər. Final görüşü yanvarın 22-də keçiriləcək. Həmin oyuna da Bakı vaxtı ilə saat 23:00-da start veriləcək.
İtaliya Super Kuboku
Yarımfinal
18 yanvar
Napoli – Fiorentina 3:0
Qollar: Simeone, 22. Zerbin, 84; 86.
19 yanvar
İnter – Latsio 3:0
Qollar: Türam, 17. H.Çalhanoğlu, 49. Frattezi, 87.
