Almaniyanın “Borussiya” (Dortmund) klubunun mərkəz hücumçusu Jordi Paulina Bundesliqa təmsilçisindən ayrılaraq “Fortuna”ya keçib.
Arena.az xəbər verir ki, bu barədə Düsseldorf təmsilçisi rəsmi saytı vasitəsilə məlumat yayıb.
2-ci Bundesliqada çıxış edən “Fortuna” bu transfer üçün “Borussiya”ya 400 min avro ödəyib. 21 yaşlı futbolçu müddəti 2030-cu ilin 30 iyununa qədər nəzərdə tutulmuş müqavilə imzalanıb. Paulina “Fortuna”da 27 nömrəli forma ilə çıxış edəcək.
Jordi Paulina Niderlandın “Utrext” klubunun yetirməsidir. “Herkules”də də oynamış gənc forvard “Borussiya”ya 2024-cü ilin yayında azad agent kimi qoşulmuşdu. O, Dortmund klubunun əsas komandasında cəmi 1 oyun keçirib. Paulina cari mövsümdə “Borussiya”nın ikinci komandasında 11 oyuna çıxıb, 7 qol vurub və 1 məhsuldar ötürmə edib.
21 yaşlı futbolçu 2025-ci ildən Kurasao millisinin formasını geyinir. O, milli komandanın heyətində 2 oyuna çıxıb, 2 qol vurub.
“Transfermarkt” internet-portalı 21 yaşlı hücumçunun transfer dəyərini 500 min avro məbləğində qiymətləndirir.
