Azərbaycanın “Landau Lions” basketbol komandası FİBA Avropa Kubokunun 2026/27 mövsümünün qrup mərhələsində növbəti oyununu keçirib.
Arena.az xəbər verir ki, Erhan Tokerin rəhbərlik etdiyi kollektiv 5-ci tur çərçivəsində Portuqaliyada “Benfika”nın qonağı olub.
Lissabondakı “Pavilyao Fideleydade” arenasında keçirilən qarşılaşma meydan sahiblərinin 97:76 hesablı qələbəsi ilə başa çatıb.
Azərbaycan təmsilçisi ilk periodda 18:25, ikinci hissədə 21:30, üçüncü periodda isə 17:24 hesabı ilə geri düşüb. Son hissədə 20:18 hesablı üstünlük qazanan komandamız fərqi azaltmağa nail olsa da, yekunda 21 xal fərqi ilə məğlub olub.
Komandamızın heyətində Edvard Polayt və Arnas Sakenis 18 xalla ən məhsuldar basketbolçular olublar. Cordan Perkins 16, De’Ondre Cekson isə 11 xal toplayıblar.
Bu nəticədən sonra Azərbaycan klubu qrupda 6 xalla 5-ci pillədə qərarlaşıb. “Benfika” və Danimarkanın “Bakken Birs” komandalarının hərəsinin 9 xalı var. “Dənizli Basket” 7, İsveçrənin “Lions de Jenev” və “Landau Lions” 6, Slovakiyanın “Prievidza” komandası isə 5 xalla sıralanır.
Qeyd edək ki, Azərbaycan klubu bundan əvvəl “Lions de Jenev”ə (83:105), “Prievidza”ya (84:108) və “Bakken Birs”ə (88:91) məğlub olub, “Dənizli Basket”i isə 94:86 hesabı ilə məğlub edib.
