Futbol üzrə Fransa çempionatında (Liqa 1) 15-ci turun oyunları keçirilib. Arena.az xəbər verir ki, sonuncu oyun günündə daha yeddi qarşılaşma baş tutub.
“Monpelye” – “Reyms” və “Strasburq” – “Loryan” matçlarında tərəflər hərəyə 1 qol və 1 xalla kifayətləniblər. Dörd qolun qeydə alındığı “Nant” – “Ayaçço” matçı da bərabərliklə başa çatıb. “Brest” “Trua”nı, “Lill” “Anje”ni məğlub yola salıb. “Monako” isə Marsel “Olimpik”i ilə ev oyununda xalsız qalıb. Lider PSJ də “Oser”lə ev oyununda 5 cavabsız qola sevinib.
Beləliklə, 15 turdan sonra 41 xala malik PSJ vahid liderdir. “Lans” 36 xalla ikinci, “Renn” 31 xalla üçüncüdür. Marsel “Olimpik”i geridə qalan turlarda 30, “Loryan” 28, “Monako” isə 27 xal toplayıb.
Fransa, Liqa 1
15-ci tur
11 noyabr
Olimpik (Lion) – Nitsa 1:1
Qol: Lakazette, 89-pen – Pepe, 38-pen.
12 noyabr
Lans – Klermon 2:1
Qol: Said, 60. Fofana, 68 – Abdul Samed, 39-öz qapısına.
Renn – Tuluza 2:1
Qol: Buriqe, 25. Kalimuendo, 58 – Dallinqa, 55.
13 noyabr
PSJ – Oser 5:0
Qol: Mbappe, 11. Soler, 51. Hakimi, 57. R.Sançes, 81. Ekitike, 84.
Brest – Trua 2:1
Qol: Del Kastilyo, 55-pen. Munye, 77-pen – Şardonne, 60-öz qapısına.
Lill – Anje 1:0
Qol: Djalo, 36.
Monpelye – Reyms 1:1
Qol: Delaye, 90+1 – Munetsi, 87.
Nant – Ayaçço 2:2
Qol: Blas, 70. Simon, 89 – Belaili, 57. Hamuma, 66.
Strasburq – Loryan 1:1
Qol: Diallo, 87 – Moffi, 5.
Monako – Olimpik (Marsel) 2:3
Qol: Ben Yedder, 45-pen. Volland, 72 – A.Sançes, 35. Veretu, 83. Kolaşinaç, 90+7.
