İspaniya yığmasının baş məşqçisi Luis de la Fuente Xorvatiya yığması ilə AÇ-2024-ün qrup mərhələsinin 1-ci tur oyunundan danışıb.
Arena.az UEFA-nın rəsmi saytına istinadən məlumat verir ki, ispan mütəxəssis rəqibi qiymətləndirib:
“Xorvat futbolçuların zehniyyətinə həqiqətən heyranam, çünki onlar milli qürur və birlik hissi nümunəsidirlər. Ölkəmizdə də biz eyni məqamı hiss edəndə qürur duyuram.
Xorvat futbolçular milli qürur və güc hissləri ilə yanaşı, idmana, xüsusən də komanda idmanına xüsusi istedada malikdirlər. Onların son illərdə milli komandanın heyətində iştirak yolu müstəsnadır”, deyə Luis de la Fuente vurğulayıb.
Xatırladaq ki, İspaniya – Xorvatiya oyunu bu gün, iyunun 15-də Berlinin “Olimpiaştadion”unda keçiriləcək. Oyuna Bakı vaxtı ilə saat 20:00-da start veriləcək.
