“Nitsa”nın 25 yaşlı polyak qapıçısı Marçin Bulka bundan sonra Səudiyyə Ərəbistanı təmsilçisi “Neom”un uğurları üçün çalışacaq.
Arena.az bu barədə “Neom”un mətbuat xidmətinə istinadən məlumat verir.
Tərəflər 4 illik – müddəti 2029-cu ilin iyun ayının sonuna qədər qüvvədə olacaq müqaviləyə imza atıblar.
Keçid ərəb klubuna 15 milyon avro məbləğ müqabilində başa gəlib.
Marçin Bulka “Çelsi”nin məzunudur. Polyak qapıçı böyük futbolda PSJ-nin heyətində debüt edib, ardınca “Kartaxena”, “Şatoru” və “Nitsa”da oynayıb.
2024/2025-ci illər mövsümündə Bulka “Nitsa” üçün 40 oyuan çıxıb, 55 qol buraxıb, 8 oyundan isə qapısının toxunulmazlığını təmin edə bilib.
Bulka 2023-cü ilin noyabr ayında debüt etdiyi Polşa yığmasının heyətində 5 oyuna 10 qol “yeyib”, 2 oyundan isə “quru” qurtulub.
“Transfermarkt” internet-portalı 25 yaşlı polyak qapıçının transfer dəyərini 20 milyon avro məbləğində qiymətləndirir.
