FİFA milli komandaların yeni reytinq cədvəlini açıqlayıb.
Arena.az ali futbol qurumunun saytına istinadən xəbər verir ki, yeni siyahıda Azərbaycan milli komandasının mövqeyi dəyişib.
Canni De Byazinin rəhbərlik etdiyi komandamız 2 pillə geriləyərək, 110-cu sırada qərarlaşıb. Millimizin hesabında 1168.53 reytinq xalı var. Azərbaycan yığması bundan əvvəlki reytinq cədvəlində 108-ci yerdə idi.
Azərbaycan millisi mart ayında DÇ-2022-nin seçmə mərhələsi çərçivəsində Portuqaliyaya 0:1, Serbiyaya 1:2, yoxlama görüşündə isə Qətərə 1:2 hesabıyla uduzub.
Azərbaycan yığmasının DÇ-2022-nin seçmə mərhələsindəki rəqiblərindən olan Portuqaliya yığması 5-ci (1166.12 xal), Serbiya 25-ci (1512.90), İrlandiya isə 47-ci pillədə (1427.22) yer alıb. 1244.86 xala malik Lüksemburq da 96-cı pillədə qərarlaşıb.
Reytinq cədvəlinə 1780 xalla Belçika millisi başçılıq edir. 1755 xala malik Fransa yığması 2-ci, 1743 xalı olan Braziliya isə 3-cüdür. 1505.05 xalı olan və 3 pillə irəliləyən Türkiyə millisi isə 29-cu sıradadır.
