İtaliyalı futbol mütəxəssisi Paolo Vanoli A Seriyasında yeni mövsümə uğursuz start vermiş “Fiorentina”ya baş məşqçi təyin edilib.
Arena.az xəbər verir ki, bu barədə Florensiya təmsilçisinin mətbuat xidməti məlumat yayıb.
O, bu postda yenicə istefaya göndərilmiş Fabio Qrossonu əvəzləyib. 54 yaşlı mütəxəssislə 2 illik (2028-ci ilin 30 iyununadək) müqavilə imzalanıb.
Paolo Vanoli daha əvvəl 2025/2026-cı illər mövsümündə də “Fiorentina”ya rəhbərlik edib. O, 2025-ci ilin noyabr ayından “Fiorentina”ya rəhbərlik edirdi. 54 yaşlı mütəxəssis bu komandanı 38 oyuna çıxarıb, 14 qələbə, 11 heç-heçə, 13 məğlubiyyət görüb.
“Bənövşəyilər” ötən mövsümü A Seriyasında 15-ci yerdə başa vurublar. Florensiya təmsilçisi keçirdiyi 38 matçda 9 qələbə qazanıb, 15 heç-heçə edib, 14 məğlubiyyətə üzülüb. Komanda həmçinin Avropa Konfrans Liqasının 1/4 finalına yüksəlsə də, bu mərhələdə İngiltərənin “Kristal Pelas” komandasına məğlub olaraq mübarizəni dayandırıb.
Vanoli ötən bitən kimi komandadan ayrılmış və onun əvəzində baş məşqçi postuna Fabio Qrosso gətirilmişdi. Amma Qrossunun fəaliyyəti daha uğursuz alınıb. Florensiya təmsilçisi İtaliya çempionatının ilk üç turunun hər birində məğlub olub. Komanda əvvəlcə səfərdə “Roma”ya 0:4 hesabı ilə uduzub, daha sonra doğma meydanda “Frozinone”yə 0:3, “Torino”ya isə 1:2 hesabı ilə məğlub olub.
Qrosso iyun ayında “Fiorentina”nın baş məşqçisi təyin edilmiş və klubla 2 illik müqavilə imzalamışdı. O, komandanın başında cəmi 3 rəsmi matça çıxıb.
Paolo Vanoli daha öncə “Torino”, “Venesiya”, “Spartak” (Mosvka) komandalarına, həmçinin İtaliyanın U-16, U-18 və U-19 yığmalarına da rəhbərlik edib.
