Pol Poqba “Yuventus”un ən ödənişli oyunçusudur

İtaliyanın “Yuventus” klubunun fransalı mərkəz yarımmüdafiəçisi Pol Poqba “qoca sinyora”nın ən ödənişli futbolçusudur.

Arena.az xəbər verir ki, bu barədə İtaliyanın “Calcio e Finanza” nəşri məlumat yayıb.

Belə ki, nəşr “Yuventus” futbolçularının maaşları ilə bağlı məlumat dərc edib. Siyahıda Poqba Turin təmsilçisinin ən ödənişli futbolçusu kimi göstərilib. Fransalı ulduz mövsümə təxminən 8 milyon avro qazanır. Serb mərkəz hücumçusu Duşan Vlahoviç və fransız mərkəz yarımmüdafiəçisi Adrien Rabyo hər biri mövsümə 7 milyon avro məbləğində məvacib alırlar. Ümumilikdə, “byankoneri” vergilərin çıxılmasına qədər ildə 121,4 milyon avro xərcləyir.

“Yuventus”un ən çox maaş alan futbolçularının onluğunu təqdim edirik:

1. Pol Poqba – 8 milyon avro (maaş məbləği vergilərin ödənilməsindən sonra qeyd edilib);
2. Duşan Vlahoviç – 7 milyon avro;
3. Adrien Rabyo – 7 milyon avro;
4. Voytsex Şensnı – 6,5 milyon avro;
5. Aleks Sandro – 6 milyon avro;
6. Federiko Kyeza – 5 milyon avro;
7. Bremer – 5 milyon avro;
8. Danilo – 4 milyon avro;
9. Arkadiuş Milik – 3,5 milyon avro;
10. Daniele Ruqani – 3,5 milyon avro.