Futbol üzrə İngiltərə çempionatında (Premyer Liqa) 2022/2023 mövsümünün 36-cı turunun oyunları keçirilir. Arena.az xəbər verir ki, ikinci oyun günündə daha üç qarşılaşma baş tutub.
“Brentford” doğma meydanda “Vest Hem”i 2 cavabsız qolla məğlub edib.
Lider “Mançester Siti” səfərdə “Everton”u 3 cavabsız qolla məğlub edərək zirvədəki mövqeyini daha da yaxşılaşdırıb və çempionluğa bir addım da yaxınlaşıb. Bunda liderin əsas izləyicisi “Arsenal”ın doğma meydanda “Brayton”a böyük hesabla məğlub olması da böyük rol oynayıb.
Hazırda 85 xala malik “Mançester Siti” zirvədə qərarlaşıb və ehtiyatda da bir oyunu var. “Arsenal” 81 xalla ikincidirsə, “Nyukasl” və “Mançester Yunayted”in 66 xalı var. “Liverpul” 62, “Brayton” 58, “Tottenhem”lə “Aston Villa” 57, “Brentford” 53, “Fulhem” 51, “Çelsi” və “Kristal Pelas” 43 xal toplayıb.
İngiltərə, Premyer Liqa
36-cı tur
13 may
Lids – Nyukasl 2:2
Qol: Aylinq, 7. Kristensen, 79 – K.Uilson, 31-pen; 69-pen.
Aston Villa – Tottenhem 2:1
Qol: Remsi, 8. D.Luis, 72 – H.Keyn, 90-pen.
Çelsi – Nottingem Forest 2:2
Qol: Sterlinq, 51; 58 – Avoniyi, 13; 62.
Kristal Pelas – Bornmut 2:0
Qol: E.Eze, 39; 58.
Mançester Yunayted – Vulverhempton 2:0
Qol: Marsyal, 32. Qarnaço, 90+4.
Sauthempton – Fulhem 0:2
Qol: K.Vinisius, 48. Mitroviç, 72.
14 may
Brentford – Vest Hem 2:0
Qol: Mbeumo, 20. Vissa, 43.
Everton – Mançester Siti 0:3
Qol: İ.Gündoğan, 37; 51. Haland, 39.
Arsenal – Brayton 0:3
Qol: Enkizo, 51. Undav, 86. Estupinan, 90+6.
15 may
23:00. Lester Siti – Liverpul
