Futbol üzrə İngiltərə çempionatında (Premyer Liqa) 23-cü tura yekun vurulub. Arena.az xəbər verir ki, sonuncu oyun günündə daha bir qarşılaşma baş tutub.
Tur “Liverpul” – “Everton” matçı ilə yekunlaşıb. “Qırmızılar” bu oyundan inamlı qələbə ilə ayrılıblar.
Beləliklə, 23 turdan sonra 51 xala malik “Arsenal” vahid liderdir. “Mançester Siti” 48 xalla ikinci, “Mançester Yunayted” 46 xalla üçüncü pillədə qərarlaşıb. “Nyukasl” 41, “Tottenhem” 39, “Brayton”la “Fulhem” 35, “Brentford” 34, “Liverpul” 32, “Çelsi” isə 31 xal toplayıb.
İngiltərə Premyer Liqası
23-cü tur
11 fevral
Vest Hem – Çelsi 1:1
Qol: Emerson, 28 – J.Feliks, 16.
Arsenal – Brentford 1:1
Qol: Trossar, 66 – Toni, 75.
Kristal Pelas – Brayton 1:1
Qol: Tomkins, 69 – Mark, 63.
Fulhem – Nottingem Forest 2:0
Qol: Villian, 17. Solomon, 88.
Lester Siti – Tottenhem 4:1
Qol: Mendi, 23. Maddison, 25. İheanaço, 45+4. Barnes, 81 – Bentankur, 14.
Sauthempton – Vulverhempton 1:2
Qol: Alkaras, 24 – Bednarek, 73-öz qapısına. J.Qomes, 87.
Bornmut – Nyukasl 1:1
Qol: Senesi, 30 – Almiron, 45+2.
12 fevral
Lids – Mançester Yunayted 0:2
Qol: Raşford, 80. Qarnaço, 85.
Mançester Siti – Aston Villa 3:1
Qol: Rodri, 4. İ.Gündoğan, 39. Mahrez, 45+1-pen – Uotkins, 61.
13 fevral
Liverpul – Everton 2:0
Qol: Salah, 36. Qakpo, 49.
