Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 12-ci turuna start verilib.
Arena.az xəbər verir ki, turun açılış oyunu Tovuzda baş tutub.
Burada “Turan Tovuz” doğma azarkeşlərinin gözü qarşısında son çempion “Qarabağ”ı sınağa çəkib. Son oyunlarında xal itirməyən komandaların duelinə maraq böyük idi. Məsələ burasındadır ki, ehtiyatda da bir oyunu olan “Qarabağ” 27 xalla vahid lider idisə,. “Turan Tovuz” 24 xalla ikinci pillədəydi. Bir sözlə, Kurban Berdıyevin komandası bu gün doğma meydanda lideri məğlub etsə, zirvəyə şərik olacaqdı. Əks halda Qurban Qurbanovun çalışdırdığı Ağdam təmsilçisi aradakı fərqi artıra bilərdı.
Amma tərəflərin bütün cəhdlərinə baxmayaraq, bu oyunda qapılara qol vurulmayıb. Beləcə, liderlər arasındakı xal fərqi dəyişməz qalıb.
Premyer Liqa
12-ci tur
1 noyabr
18:30. “Turan Tovuz” – “Qarabağ”
Hakimlər: Əliyar Ağayev, Zeynal Zeynalov, Akif Əmirəli, Əli Əliyev.
VAR: Nicat İsmayıllı.
AVAR: Elşad Abdullayev.
Hakim-inspektor: Anar Salmanov.
AFFA nümayəndəsi: Azər Əsgərov.
Tovuz şəhər stadionu.
Turan Tovuz: 1. İvan Konovalov, 4. Şəhriyar Əliyev (k), 10. Xəyal Nəcəfov, 88. Faiq Hacıyev, 7. İsmayıl Zülfüqarlı, 9. Kristian da Silva, 23. Alexandro Serrano, 15. Emmanuel Hakman, 25. Denis Marandiç, 80. Otto Con, 21. Aleks Souza.
Ehtiyat oyunçular: 41. Sergey Samok, 71. Mehman Hacıyev, 39. Sadiq Quliyev, 8. Tural Bayramlı, 11. Ayxan Hüseynov, 13. Fərid Yusifli, 44. Rüfət Əhmədov, 77. Veysəl Rzayev, 99. Sadiq Şəfiyev, 70. Məzahir Məmmədzadə, 22. Nahid Əliyev.
Baş məşqçi: Kurban Berdiyev.
Qarabağ: 99. Mateus Koxalski, 55. Bədavi Hüseynov (k), 30. Abbas Hüseynov, 13. Bəhlul Mustafazadə, 27. Toral Bayramov, 10. Abdullah Zubir, 66. Patrik Andrade, 8. Marko Yankoviç, 18. Olavio Juninyo, 15. Leandro Andrade, 21. Aleksey Kaşuk.
Ehtiyat oyunçular: 97. Fabian Buntiç, 12. Sadiq Məmmədzadə, 20. Riçard Almeyda, 24. Aleksey İsayev, 44. Elvin Cəfərquliyev, 22. Musa Qurbanlı, 90. Nəriman Axundzadə, 81. Kevin Medina, 2. Mateus Silva, 6. Julio Romao, 19. Redon Cica, 11. Emmanuel Addai.
Baş məşqçi: Qurban Qurbanov.
