Futbol üzrə Azərbaycan Premyer Liqasında 2022/2023 mövsümünün 34-cü turunun oyunları keçirilir. Arena.az xəbər verir ki, bu günə nəzərdə tutulan sonuncu qarşılaşma da başa çatıb.
Günün ikinci oyunu autsayder “Səbail”lə lider “Qarabağ” arasında baş tutub. Ağdam təmsilçisi bu oyunda qalib gələcəyi alda çempionluğunu rəsmiləşdirəcəkdi. Qurban Qurbanovun yetirmələri buna matçın sonlarında vurduqları 3 cavabsız qolla nail olublar. Nəticədə bu klub tarixində 10-cu dəfə Azərbaycan çempionu olub.
Xatırladaq ki, 34-cü turun “Zirə” ilə “Kəpəz” arasında baş tutan ilk matçında qalib müəyyənləşməmişdi – 1:1. Bu gün keçirilmiş “Qəbələ” – “Turan Tovuz” matçında isə qonaqlar qalib gəlmişdilər – 2:1. “Neftçi” – “Şamaxı” matçı sabah keçiriləcək. Tura mayın 17-də keçiriləcək “Sumqayıt” – “Sabah” oyunu ilə yekun vurulacaq.
Azərbaycan Premyer Liqası
34-cü tur
13 may
“Səbail” – “Qarabağ” 0:3
Qollar: Bəhlul Mustafazadə, 71. Ramil Şeydayev, 77-pen; 86.
Hakimlər: Kamal Umudlu, Akif Əmirəli, Eyyub İbrahimov, Kamranbəy Rəhimov.
Bakı. “ASCO Arena”, 20:30.
Səbail: 1. Emil Balayev, 10. Ağabala Ramazanov (k), 9. Mirabdulla Abbasov, 2. Adil Nağıyev, 96. İlkin Muradov, 6. Cabir Əmirli, 15. Vüqar Həsənov, 27. Emil Martinov, 88. Matiya Lyuyiç, 5. Petro Stasyuk, 4. Maksim Çex.
Ehtiyat oyunçular: 12. Hüseynəli Quliyev, 14. Rahid Əmirquliyev, 7. Ruslan Hacıyev, 8. Elmir Tağıyev, 55. Nihad Qurbanlı, 77. Ədilxan Qarəhmədov, 22. Samir Abdullayev, 11. Qoba Zakpa, 99. David Qomis, 30. Franko Mazurek, 21. Kizito Luvaqa, 23. Qustavo de Fransa.
Baş məşqçi: Şahin Diniyev.
Qarabağ: 1. Şahruddin Məhəmmədəliyev (k), 19. Filip Ozobiç, 77. Ramil Şeydayev, 13. Bəhlul Mustafazadə, 44. Elvin Cəfərquliyev, 9. Musa Qurbanlı, 29. Marko Veşoviç, 81. Kevin Medina, 8. Marko Yankoviç, 6. Julio Romao, 15. Leandro Andrade.
Ehtiyat oyunçular: 23. Luka Quqeşaşvili, 89. Amin Ramazanov, 5. Maksim Medvedev, 2. Qara Qarayev, 4. Rahil Məmmədov, 18. İsmayıl İbrahimli, 27. Toral Bayramov, 90. Nəriman Axundzadə, 99. Redon Cica.
Baş məşqçi: Qurban Qurbanov.
