İspaniyanın “Barselona” klubu yarımmüdafiəçisi Serxi Roberto ilə müqavilənin müddətini uzadıb. Arena.az xəbər verir ki, bu barədə Kataloniya təmsilçisinin rəsmi saytı məlumat yayıb.
Yeni müqaviləyə əsasən 30 yaşlı futbolçu 2023-cü ilin yayınadək La Liqa klubunda oynayacaq. Anlaşmaya görə, onun təzminat məbləği 400 milyon avrodur. Tərəflər arasındakı əvvəlki sözləşmənin müddəti bu yay başa çatırdı.
Serxi Roberto “Barselona”nın öz yetirməsidir. O, 2010/11 mövsümündən bu klubun əsas komandasında çıxış edir. İspaniya yığmasında da oynamış futbolçu, “Barselona”da meydana çıxdığı 316 matçda 12 qolla yadda qalıb.
