Premyer Liqada mübarizə aparan “Sumqayıt” qarşıdakı ən azı iki ev oyununda rəqiblərini “Sumqayıt Arena”da qəbul edəcək.
Arena.az bu barədə Peşəkar Futbol Liqasının (PFL) rəsmi saytına istinadən xəbər verir.
Qeyd edilir ki, Mehdi Hüseynzadə adına Sumqayıt şəhər stadionunun qazonunda aparılan renovasiya işləri davam etdiyi üçün Azərbaycan Premyer Liqasının 10-cu turunun “Sumqayıt” – “Şəfa” oyunundan öncə stadiona baxış keçiriləcək və vəziyyətə uyğun olaraq qərarlar qəbul olunacaq.
Sumqayıtın eyniadlı komandası Azərbaycan Premyer Liqasının cari mövsümündə uğursuz çıxışı ilə diqqət mərkəzindədir. Sözügedən kollektiv 2026/2027-ci illər mövsümündə keçirdiyi 5 oyunda cəmi 2 heç-heçə edib, 3 məğlubiyyətə üzülüb. Qələbəyə həsrət olan komanda 2 xalla 12 iştirakçı arasında 11-ci pillədə qərarlaşıb. Mövsümün digər uğursuzu “Araz-Naxçıvan” da 2 xalla sonuncudur.
