Belçika millisinin baş məşqçisi Domeniko Tedesko AÇ-2024-ün 1/8 finalında Fransaya qarşı keçirəcəkləri oyun haqda fikirlərini paylaşıb.
Arena.az UEFA-nın mətbuat xidmətinə istinadən, italyan-alman mütəxəssisin bu barədə fikirlərini təqdim edir:
“Mən oyuna dair planımız haqda sizə danışmalıyammı? Düşünmürəm ki, indi müvafiq məqam deyil, amma əlbəttə ki, bizim planımız var. Bu, birdən çox plan tələb edir – yəni uyğunlaşma bacarığını.
Biz bütün oyunçularımıza güvənirik. Yeganə fəsadımız odur ki, meydana yalnız 11 futbolçu çıxara bilirik. Döyüş hazırlığı olanlar daha çoxdur, ehtiyat oyunçular skamyasında isə kimin olacağına qərar vermək çətin məsələdir, çünki hər kəs məşqdə fantastik iş görür və hər kəsin öz xüsusiyyətləri var.
Fransa yığmasının mərkəzdə romb şəklində oynaya biləcəyini bilirik. Sonuncu dəfə onlar 2021-ci ildə belə oynayıblar, ona görə də rəqibin bizə uyğunlaşması yaxşı əlamətdir. Bu, o deməkdir ki, səhvə yol verdiyimiz çox şey yoxdur. Amma bu, kiminlə qarşılaşmasından asılı olmayaraq, Fransa komandasının özündəki vəziyyətlə də bağlı ola bilər”, deyə Domeniko Tedesko vurğulayıb.
Xatırladaq ki, AÇ-2024-ün 1/8 final mərhələsinin Fransa – Belçika oyunu bu gün, iyulun 1-də Düsseldorfun “Merkur Şpil-Arena” stadionunda keçiriləcək. Hakim oyunu Bakı vaxtı ilə saat 20:00-da başladacaq.
