Almaniya millisinin və Madrid “Real”ının keçmiş yarımmüdafiəçisi Toni Kroos futboldan gedişi haqda qərara necə gəldiyini xatırlayıb.
Arena.az keçmiş futbolçunun müvafiq xatirəsini təqdim edir:
“Bu qərar bircə gün ərzində qəbul edilmişdi. Mən bununla bağlı çox götür-qoy etmədim”, deyə veteran futbolçu xatırlayıb.
Kroos azarkeşlərin duyğularının qənimətlərdən vacib olduğunu bildirib:
“Azarkeşlərin duyğuları mənim üçün qənimətlərdən qiymətlidir. Bu, mənimlə bütün ömrüm boyu qalacaq”, deyə keçmiş yarımmüdafiəçi duyğusalcasına vurğulayıb.
Toni Kroos futbolda qazandığı uğurların sirrini də açıb:
“Uğurun əsas sirri? Bu, özünəinamdır”, deyə Kroos əminliklə qısaca vurğulayıb.
Toni Kroos Rostok “Hanza”sının yetirməsidir. Yarımmüdafiəçi əvvəllər “Bayer” və “Bayern”də çıxış edib. O, 2014-cü ilin iyulunda 25 milyon avro müqabilində “Bayern”dən “Real”a keçib. Toninin İspaniya nəhənginin heyətində ümumi statistikası sanballıdır: 465 oyun, 28 qol, 99 məhsuldar ötürmə.
Toni Kroos “Real”la bütün mümkün ali klub yarışlarında dəfələrlə qalib olub. Onun xəzinəsində “qaymaqlılar”la 4 İspaniya çempionluğu, 1 İspaniya Kral Kuboku, 4 İspaniya Super Kuboku, 5 UEFA Çempionlar Liqası, 4 UEFA Super Kuboku, 5 FIFA Klub Dünya Kuboku var.
Kroos 2010-cu ilin martında debüt etdiyi Almaniya yığmasının heyətində 114 oyuna 17 qol vurub, 21 məhsuldar ötürmə verib. Toni bundestimlə DÇ-2010-da və AÇ-2012-də bürünc medal qazanıb, DÇ-2014-də isə mundialın qalibi olub.
