ABŞ prezidenti Donald Tramp etiraf edib ki, Rusiya yığmasının futbol üzrə dünya çempionatında iştirakına qadağadan xəbərsiz imiş.
Arena.az “Daily Star” dərgisinə istinadən, ABŞ prezidentinin müvafiq açıqlamasını təqdim edir:
“Mən bu haqda bilmirdim”, deyə Tramp qısaca vurğulayıb.
Xatırladaq ki, futbol üzrə 2026-cı il dünya çempionatı növbəti ilin yayında Amerikanın üç ölkəsinin – ABŞ, Kanada və Meksikanın birgə təşkilatçılığı ilə adı çəkilən ölkələrdə keçiriləcək.
Xatırladaq ki, müxtəlif yaş dəstələri üzrə milli yığma komandalar da daxil olmaqla, Rusiyanın bütün klub komandaları FIFA və UEFA-nın müvafiq qərarları ilə beynəlxalq yarışlarda iştirakdan kənarlaşdırılıblar. Məsələ, 2022-ci ilin fevral ayının sonlarından Rusiyanın Ukraynaya hərbi müdaxiləsi nəticəsində qaldırılıb və təsdiqlənib. O vaxtdan Rusiya yığması və klub komandaları ancaq yolaşlıq oyunlarında iştirak edə bilirlər.
