“Transfermarkt” ən bahalı müdafiəçilərin siyahısını açıqladı

“Transfermarkt” internet-portalı oyunçuların transfer qiymətinə dair yenilənmələr əsasında ən bahalı 10 müdafiəçinin siyahısını təqdim edib.

Arena.az məlumat verir ki, siyahıya “Mançester Siti”nin və Xorvatiya yığmasının mərkəz müdafiəçisi Yoşko Qvardiol başçılıq edir.

Həm onun, həm də Mançester klubunun digər müdafiəçisi Ruben Diasın bazar qiyməti 80 milyon avrodur.

Dünyanın ən bahalı 10 müdafiəçisinin siyahısını təqdim edirik:

1. Yoşko Qvardiol (“Mançester Siti”, 80 milyon avro);
2. Ruben Dias (“Mançester Siti”, 80 milyon avro);
3. Vilyam Saliba (“Arsenal”, 70 milyon avro);
4. Alfonso Devis (“Bayern”, 70 milyon avro);
5. Ronald Arauxo (“Barselona”, 70 milyon avro);
6. Eder Militao (“Real”, 70 milyon avro);
7. Matteys de Liqt (“Bayern”, 70 milyon avro);
8. Nunu Mendeş (PSJ, 65 milyon avro);
9. Əşrəf Hakimi (PSJ, 65 milyon avro);
10. Trent Aleksander-Arnold (“Liverpul”, 65 milyon avro).