Qadın voleybolçulardan ibarət Azərbaycan millisinin hücumçusu Yelizaveta Ruban Rumıniya kubokunun qalibi olub. Arena.az xəbər verir ki, bu mövsün Rumıniya çempionatında üçüncü olan “CSM Lugoj” klubu ölkə kubokuna da sahib çıxıb.
Kubokun finalında Rubanın şərəfini qoruduğu “CSM Lugoj” komandası “CSM Tarqovişte” ilə üz-üzə gəlib. Həlledici görüşdə rəqibinə 3:1 (25:16, 26:24, 22:25, 25:21) hesabı ilə qalib gələn “CSM Lugoj” Rumıniya kubokunu qazanıb.
Komandasının qələbəsində möhtəşəm oyunu ilə əsas pay sahibinə çevrilən voleybolçumuz Yelizaveta Ruban həmçinin MVP seçilib.
