“Mançester Yunayted”in baş məşqçisi Ruben Amorim İngiltərə Premyer Liqasının 19-cu turunda “Nyukasl”a ev məğlubiyyətini (0:2) şərh edib.
Arena.az “NBC Sports” dərgisinə istinadən, portuqal mütəxəssisin bu barədə fikrini təqdim edir:
“Biz qol buraxdıq. Bu məqamda geri-dönüş etmək çox çətindir. Çalışdıq, amma gərəkli keyfiyyət olmadan müvafiq məqamların öhdəsindən gəlmək üçün oyun üslubumuzun qurulduğu təməlimiz yoxdur. Onlar bu günün ən yaxşı komandasıdır. Oyuna nəzarət edirdilər. Onların icra etdikləri hər bir xüsus komanda oyunu idi. Bizim üçün isə bu, daha çox futbolçuların fərdi fəaliyyətləri səviyyəsindədir. Amma onlar çalışırlar”, deyə Amorim vurğulayıb.
19 oyundan 22 xalla “Mançester Yunayted” İngiltərə Premyer Liqasının yarış cədvəlində 14-cü pillədə qərarlaşıb. “Nyukasl” isə 32 xalla 5-ci pillədədir.
İngiltərə Premyer Liqasına 18 oyundan 45 xalla “Liverpul” başçılıq edir.
