Bu gün futbol üzrə İngiltərə çempionatında (Premyer Liqa) 2024/2025-ci illər mövsümünün 37-ci turuna start verilib.
Arena.az xəbər verir ki, ilk oyun günündə iki qarşılaşma baş tutub.
Turun açılış oyununda “Aston Villa” doğma meydanda “Tottenhem”lə qarşılaşıb. Uğursuz bir mövsüm keçirən keçirən London təmsilçisi səfərdə 2 cavabsız qolla məğlub olub.
Günün digər oyununda “Çelsi” öz meydanında “Mançester Yunayted”lə münasibətlərinə aydınlıq gətirib. Mövsümün digər uğursuzu – “qırmızı şeytanlar” da səfər matçında xalsız qalıblar.
Maraq üçün xatırladaq ki, Premyer Liqada uğursuz mövsüm keçirmələrinə baxmayaraq, “Mançester Yunayted”lə “Tottenhem” Avropa Liqasının finalına yüksəliblər. Bu komandalar mayın 21-də İspaniyanın Bilbao şəhərindəki “San Mames” stadionunda həlledici oyuna çıxacaqlar.
İngiltərə, Premyer Liqa
37-ci tur
16 may
Aston Villa – Tottenhem 2:0
Qollar: E.Konsa, 59. B.Kamara, 73.
Çelsi – Mançester Yunayted 1:0
Qol: M.Kukurelya, 81.
18 may
15:00. Everton – Sauthempton
17:15. Brentford – Fulhem
17:15. Vest Hem – Nottingem Forest
18:00. Lester Siti – İpsviç Taun
19:30. Arsenal – Nyukasl
19 may
23:00. Brayton – Liverpul
20 may
23:00. Kristal Pelas – Vulverhempton
23:00. Mançester Siti – Bornmut
