Almaniya millisinin təcrübəli qapıçısı Manuel Noyer dünya çempionatının 1/16 finalında Paraqvaya məğlubiyyətdən sonra milli karyerasını başa vurub.
Arena.az xəbər verir ki, bu barədə 40 yaşlı qolkiper matçdan sonra jurnalistlərə açıqlamasında bildirib.
O, milli komandadakı karyerasını başa vurduğunu təsdiqləyib. Təcrübəli qolkiper qarşılaşmadan sonra karyerasının belə sona çatmasının onu çox üzdüyünü bildirib:
“Hər şeyin məhz bu cür başa çatması son dərəcə acıdır”.
Xatırladaq ki, Almaniya millisi DÇ-2026-nın 1/16 finalında Paraqvayla əsas və əlavə vaxtı 1:1 hesabı ilə başa çatan oyunda penaltilər seriyasında 3:4 hesabı ilə uduzaraq turnirlə vidalaşıb. Noyer penaltilər seriyasında rəqibin bir zərbəsini dəf etsə də, bu, komandasını məğlubiyyətdən xilas etməyə kifayət etməyib.
Manuel Noyer Almaniya millisinin heyətində 2014-cü ildə dünya çempionu olub, 2010-cu il mundialında isə bürünc medal qazanıb. O, həmçinin dünya çempionatlarında keçirdiyi 23 oyunla Almaniya millisinin rekordçusudur. Təcrübəli qapıçı milli komandanın heyətində ümumilikdə 128 oyuna çıxıb.
