Futbol üzrə Azərbaycan çempionu “Sabah”dan bir neçə gün öncə ayrılaraq İsveçrənin “Bazel” klubuna keçən Aaron Maluda “bayquşlar”la vidalaşıb.
Arena.az xəbər verir ki, fransız vinger sosial şəbəkə hesabında bunları yazıb:
“Əziz “Sabah” ailəsi! Birlikdə fəslimizi bağlamağın vaxtıdır. Ailəm və mən ilk gündən bizə göstərdiyiniz səmimi qarşılama və etimada görə bu kluba son dərəcə minnətdarıq. Başqaları açmadığı halda qapılarınızı açdınız, buna görə də son dərəcə minnətdaram.
Komanda yoldaşlarıma təşəkkür edirəm. Mən sadəcə komanda yoldaşları ilə deyil, qardaşlarla da tanış oldum. Bizi kuboklarımız, məşqçilər heyəti, tibb heyəti və klubda çalışan hər kəs əbədi olaraq birləşdirir. Hamınız xüsusi idiniz və heç birinizi unutmayacam.
“Sabah”dakı ilk mövsümümdə mənə tam etibar göstərildi və birlikdə hər şeyi qazandıq. Klubun ilk liqa titulunun və kubok da daxil olmaqla ilk dublunun bir hissəsi olduğum üçün çox həyəcanlı idim. Klubun ən böyük azarkeşi olacağam və həqiqətən də layiq olduğu məqsədlərə çatacağına ümid edirəm. Təşəkkür edirəm, “Sabah”! Əbədi bayquşlar!”.
Xatırladaq ki, Aaron Maluda bir neçə gün öncəə 2,7 milyon avroya “Bazel”ə satılıb. 20 yaşlı futbolçu İsveçrə klubu ilə 4 illik müqaviləyə imza atıb.
Maluda ötən ilin sentyabr ayından “Sabah”ın uğurları üçün çalışırdı. O, komandanın heyətində ümumilikdə keçirdiyi 31 oyunda 9 qola imza atıb, 5 məhsuldar ötürmə müəllifi olub.
