“Alkmar” komandası futbol üzrə Niderland Super Kuboku uğrunda oyunda Eyndhovenin PSV komandasını darmadağın edərək titula sahib çıxıb.
Arena.az xəbər verir ki, Eyndhovenin “Philips” stadionunda keçirilmiş görüşdə 4:0 hesablı darmadağın qeydə alınıb.
PSV artıq 9-cu dəqiqədə azlıqda qalıb. VAR müdaxiləsindən sonra hakim Herman Teo Vermaha qırmızı vərəqə göstərib. Nəticədə rəqib ilk hissədə üstünlüyü 25-ci dəqiqədə Meks Merdinkin qolu ilə ələ keçirib.
İkinci hissədə Alkmarın eyniadlı təmsilçisi fərqi daha da artırıb. 51-ci dəqiqədə Patati hesabı 2:0 edib. 58-ci dəqiqədə Elyayja Deykstra fərqlənərək üçüncü qolu vurub. 66-cı dəqiqədə isə Deyv Daala təyin olunan penaltini dəqiq yerinə yetirib.
Beləliklə, “Alkmaar” tarixində ikinci dəfə Niderland Super Kubokunun qalibi olub. “Pendirçilər” sonuncu dəfə bu titulu 2009-cu ildə qazanmışdılar.
PSV isə turnirdə 15 qələbə ilə rekordçudur.
