“Monako”nun baş məşqçisi Filipe Luis fransalı yarımmüdafiəçi Pol Poqba ilə müqaviləyə xitam verilməsinə münasibət bildirib.
Arena.az xəbər verir ki, “Monako” çərşənbə günü 33 yaşlı futbolçu ilə əməkdaşlığın başa çatdığını açıqlayıb.
Fransalı futbolçu ötən ilin iyununda knyazlıq klubuna qoşulmuşdu. Lakin zədələr onun komandada özünü göstərməsinə imkan verməyib. Poqba bu müddətdə ümumilikdə cəmi 115 dəqiqə meydanda olub və heç bir məhsuldar fəaliyyətlə yadda qalmayıb.
Filipe Luis Poqbanın komandadan ayrılmasına görə təəssüfləndiyini bildirib:
“Əməkdaşlığımızın qısa müddət davam etməsi çox təəssüf doğurur. Təəssüf ki, Poqbanın zədələri çoxalıb. Bu, onun üçün kədərlidir. Ümid edirəm ki, tezliklə sağalacaq və karyerasını başqa klubda davam etdirəcək. Ona hər şeyin ən yaxşısını arzulayıram”, – deyə braziliyalı mütəxəssis “RMC Sport”a açıqlamasında bildirib.
Beləliklə, Poqbanın “Monako”dakı macərası gözləniləndən çox qısa çəkib. Fransalı futbolçu indi zədələrdən tam sağaldıqdan sonra karyerasını hansı klubda davam etdirəcəyinə qərar verməli olacaq.
