Madrid “Real”ının yarımmüdafiəçisi Toni Kroos Almaniya millisindəki karyerasını başa vurub. Arena.az xəbər verir ki, 31 yaşlı futbolçu bu barədə sosial şəbəkə hesabında məlumat yayıb.
“Milli komandanı buraxmağı hələ 2018-ci ildə düşünmüşdüm. Amma oğlum Leon və Yoahim Löv məni qərarımdan döndərmişdi. O zaman 28 yaşında idim, indi isə 31 yaşım var. Qərarımın doğru olduğunu hiss edirəm”.
AÇ-2020-nin 1/8 final mərhələsi çərçivəsində keçirilən İngiltərə – Almaniya matçı (2:0) Kroosun yığmadakı son oyunu olub.
2010-cu ildə Almaniya yığmasında debüt edən Toni Kroos, millidə 106 oyuna çıxıb. O, bu qarşılaşmalarda 17 qola imza atıb. Yarımmüdafiəçi 2014-cü ildə millinin heyətində dünya çempionu olub.
