“Zirə” Polşa klubu ilə heç-heçəyə razılaşdı

Türkiyədə təlim-məşq toplanışında olan “Zirə” bu gün növbəti yoxlama oyununa çıxıb. Arena.az xəbər verir ki, Rəşad Sadıqovun çalışdırdığı kollektiv Antalyadakı ikinci sınağında Polşa “Qurnik”i (Lençna) ilə üz-üzə gəlib.

Dörd qolun qeydə alındığı bu oyunda qalib müəyyənləşməyib. Matçda hesabı ilk yarıda polşalılar açıblar. Fasilədən sonra Təmkin Xəlilzadə fərqlənərək hesaba tarazlıq gətirib. Amma zirəlilərin sevinci uzun sürməyib və “Qurnik” yenidən önə keçib. Buna baxmayaraq, İlkin Muradov komandasını məğlubiyyətdən xilas etməyi bacarıb. Beləcə, dörd qolun vurulduğu matç bərabərliklə yekunlaşıb.

Xatırladaq ki, “Zirə” Antalyadakı ilk yoxlama oyununda Macarıstanın “Peç” komandasında 3:5 hesabıyla məğlub olmuşdu.

Yoxlama oyunu
20 yanvar

Zirə – Qurnik 2:2

Baş məşqçi Rəşad Sadıqov bu matçın birinci hissəsində bu heyəti meydana buraxıb:

41. Anar Nəzirov
42. Cəlal Hüseynov
43. İlkin Muradov
44. Loris Broqno
45. Ağabala Ramazanov (k)
46. David Volkov
47. Təmkin Xəlilzadə
48. Hacıağa Hacılı
49. Qismət Alıyev
50. Dimitrios Çantakias
51. Coşqun Diniyev

İkinci hissədə isə bu heyət meydana buraxılıb:

1. Mehdi Cənnətov
2. Ağabala Ramazanov (k)
3. Ramin Əhmədov
4. Ruslan Abışov
5. Təmkin Xəlilzadə
6. Qismət Alıyev
7. Dimitrios Çantakias
8. Mohamed Hamdaoui
9. Samir Ağayev
10. Nizami Səmədov
11. Mahmud Ağayev