Futbol üzrə Azərbaycan millisinin yarımmüdafiəçisi Dmitri Nazarov Almaniyanın “Ersgebirge” komandasında növbəti matçına çıxıb. Arena.az xəbər verir ki, 32 yaşlı futbolçu 3-cü Liqanın 3-cü turu çərçivəsində baş tutan “Manheym”lə qarşılaşmanın iştirakçısı olub.
Futbolçumuzun komandası bu rəqiblə səfərdə üz-üzə gəlib. “Ersgebirge” bu oyundan məğlubiyyətlə ayrılıb – 0:1.
Dmitri Nazarov bu matça start heyətdə başlayıb və 87-ci dəqiqədə əvəzlənib.
“Ersgebirge” 3 turdan sonra 2 xalla 20 kollektiv arasında 14-cü pillədə qərarlaşıb.
