Azərbaycanlı futbolçu Kamran Əliyev Rusiyanın “Arsenal” (Tula) klubunun heyətində növbəti matçına çıxıb. Arena.az xəbər verir ki, gənclərdən ibarət milli komandamızın sabiq hücumçusu Rusiya Birinci Liqasının 18-ci turu çərçivəsində baş tutan “Krasnodar-2” ilə matçın iştirakçısı olub.
Tula təmsilçisi bu rəqiblə doğma meydanda qarşılaşıb və 3:1 hesablı qələbəyə sevinib. Kamran Əliyev bu görüşün 55-ci dəqiqəsində meydana buraxılıb. O, 65-ci dəqiqədə məğlub durumda olan komandasının bərabərlik qoluna imza atıb. 68 və 82-ci dəqiqələrdə daha iki qol vuran “Arsenal” meydanı əzmkar qələbə ilə tərk edib.
“Arsenal” 18 turdan sonra 31 xalla 3-cü pillədə qərarlaşıb.
