Futbol üzrə İtaliya çempionatında (A Seriyası) 27-ci tura yekun vurulub. Arena.az xəbər verir ki, sonuncu oyun günündə daha beş qarşılaşma baş tutub.
Dörd qolun qeydə alındığı “Sampdoriya” – “Verona” matçında meydan sahibləri inamlı qələbəyə sevinib. Lider “Napoli” Turində “Torino” ilə üz-üzə gəlib. Neapol təmsilçisi 3 xalı 4 cavabsız qolla qazanıb. Paytaxt derbisində “Roma” “Latsio”ya məğlub olub. “İnter” də “Yuventus”la ev matçından məğlubiyyətlə ayrılıb. “Fiorentina” isə “Leççe”ni məğlub edib.
27 turdan sonra 71 xala malik “Napoli” vahid liderdir. “Latsio” 52 xalla ikinci, “İnter” 50 xalla üçüncüdür. “Milan” 48, “Roma” 47, “Atalanta” 45, məlum səbəblərdən 15 xalı silinmiş “Yuventus 41, “Udineze” 38 xal toplaya bilib.
İtaliya A Seriyası
27-ci tur
17 mart
Sassuolo – Spetsiya 1:0
Qol: Berardi, 71-pen.
Atalanta – Empoli 2:1
Qol: De Ron, 58. Hoylund, 86 – Ebuehi, 44.
18 mart
Montsa – Kremoneze 1:1
Qol: K.Auqusto, 69 – Çiofani, 61.
Salernitana – Bolonya 2:2
Qol: Pirola, 7. Dia, 64 – Ferquson, 11. Likoyannis, 73.
Udineze – Milan 3:1
Qol: R.Pereyra, 9. Beto, 45+6. Ehizibue, 70 – İbrahimoviç, 45+4-pen.
19 mart
Sampdoriya – Verona 3:1
Qol: Qabbyadini, 24; 35. Zanoli, 90+8 – Faraoni, 88.
Fiorentina – Leççe 1:0
Qol: Qallo, 27-öz qapısına.
Torino – Napoli 0:4
Qol: Osimhen, 9; 51. Kvaratsxeliya, 35. Ndombele, 68.
Latsio – Roma 1:0
Qol: Zakkayni, 65.
İnter – Yuventus 0:1
Qol: Kostiç, 23.
