Azərbaycan çempionu “Qarabağ”ın Avropa Liqasının qrup mərhələsindəki rəqibi “Molde” Norveç çempionatında növbəti oyununu keçirib.
Arena.az xəbər verir ki, sözügedən komanda 26-cı tur çərçivəsində doğma meydanda “Tromso” ilə üz-üzə gəlib.
“Qarabağ”ın rəqibi bu oyunda ağır məğlubiyyətə üzülüb – 1:4. Meydan sahiblərinin heyətində yeganə qolu 84-cü dəqiqədə Kristoffer Haugen vurub.
Ardıcıl üçüncü məğlubiyyətinə üzülən “Molde” bu mövsüm keçirdiyi 26 oyunda 44 xal qazanıb və 16 komanda arasında 5-ci pillədə qərarlaşıb.
Xatırladaq ki, “Qarabağ” Avropa Liqasının qrup mərhələsi çərçivəsindəki ilk matçını məhz Norveç klubuna qarşı keçirib və Bakıdakı oyunda 1:0 hesabıyla qalib gəlib. Bu komandalar arasındakı ikinci matç noyabrın 30-da Norveçdə baş tutacaq.
“Qarabağ”ın yer aldığı H qrupunda “Hakken” (İsveç) və “Bayer” (Almaniya) də var.
