Bu gün futbol üzrə İspaniya çempionatında (La Liqa) 2023/2024 mövsümünün 14-cü turunun oyunlarına yekun vurulub.
Arena.az xəbər verir ki, sonuncu oyun günündə bir qarşılaşma baş tutub.
Turun qapanış matçında “Jirona” doğma meydanda “Atletik”lə qarşılaşıb. Tərəflər bu oyundan hərəyə 1 qol və 1 xalla ayrılıblar.
Beləliklə, 14 turdan sonra 35 xala malik “Real” zirvədə qərarlaşıbsa, eyni xala malik “Jirona” ikincidir. Madrid “Atletiko”su və “Barselona”nın 31, “Atletik”lə “Real Sosyedad”ın 25, “Betis”in 24 xalı var.
“Xetafe”, “Rayo Valyekano” və “Valensiya” 19, “Las Palmas” 18, “Vilyarreal” və “Alaves” 15, “Osasuna” 14, “Sevilya” 12, “Kadis” 10, “Malyorka” 9, “Selta” 8, “Qranada” 7, sonuncu olan “Almeriya” isə cəmi 3 xal toplayıb.
İspaniya, La Liqa
14-cü tur
24 noyabr
Alaves – Qranada 3:1
Qollar: Torrent, 11-öz qapısına. Rebbax, 38. Omorodion, 55 – Uzuni, 86-pen.
25 noyabr
Rayo Valyekano – Barselona 1:1
Qollar: U.Lopes, 39 – Leyeune, 82-öz qapısına.
Valensiya – Selta 0:0
Xetafe – Almeriya 2:1
Qollar: Qrinvud, 33. Mayoral, 45 – Ramazani, 7.
Atletiko – Malyorka 1:0
Qol: Qrizmann, 64.
26 noyabr
Vilyarreal – Osasuna 3:1
Qollar: Morales, 57; 71; 80 – Katena, 78.
Real Sosyedad – Sevilya 2:1
Qollar: Dmitroviç, 3-öz qapısına. Sadiq, 22 – En Nesiri, 60.
Kadis – Real 0:3
Qollar: Rodriqo, 14; 64. Bellingem, 74.
Betis – Las Palmas 1:0
Qol: V.Xose, 19.
27 noyabr
Jirona – Atletik 1:1
Qollar: Sıqankov, 55 – İ.Uilyams, 67.
