Bu gün futbol üzrə İspaniya çempionatında (La Liqa) 2023/2024 mövsümünün 22-ci turunun oyunlarına yekun vurulub.
Arena.az xəbər verir ki, sonuncu oyun günündə bir qarşılaşma baş tutub.
Turun qapanış matçında “Xetafe” doğma meydanda “Qranada” ilə münasibətlərinə aydınlıq gətirib. Meydan sahibləri bu görüşdən inamlı qələbə ilə ayrılıblar.
Beləliklə, 22 turdan sonra 55 xala malik “Jirona” liderliyini davam etdirir. Madrid “Real”ı 54 xalla ikinci, paytaxtın digər təmsilçisi “Atletiko” isə 44 xalla üçüncü pillədə qərarlaşıb. Son çempion “Barselona” da 44 xal toplamasına rəğmən, 4-cü yerdədir. “Atletik”in 42, “Real Sosyedad”ın 36, “Betis”in 34, “Valensiya”nın 32, “Las Palmas”ın 31, “Xetafe”nin 29, “Alaves” və “Osasuna”nın 26, “Rayo Valyekano”nun 24, “Vilyarreal”ın 23, “Malyorka”nın 20 xalı var. “Sevilya” və “Selta” 17, “Kadis” 16, “Qranada” 11, sonuncu olan “Almeriya” cəmi 6 xal toplaya bilib.
İspaniya, La Liqa
22-ci tur
26 yanvar
Almeriya – Alaves 0:3
Qollar: Omorodion, 10; 88. Rioxa, 52-pen.
27 yanvar
Real Sosyedad – Rayo Valyekano 0:0
Las Palmas – Real 1:2
Qollar: X.Munyos, 53 – Vinisius, 65. Tçuameni, 84.
Barselona – Vilyarreal 3:5
Qollar: İ.Gündoğan, 60. Pedri, 68. Beyli, 71-öz qapısına – Moreno, 41. Akomaç, 54. Qedeş, 84. Sörlot, 90+9. Morales, 90+12.
Malyorka – Betis 0:1
Qol: Altimira, 45+1.
28 yanvar
Selta – Jirona 0:1
Qol: Portu, 20.
Kadis – Atletik 0:0
Sevilya – Osasuna 1:1
Qollar: Romero, 24 – Budimir, 55.
Atletiko – Valensiya 2:0
Qollar: Lino, 45+4. Depay, 57.
29 yanvar
Xetafe – Qranada 2:0
Qollar: Qrinvud, 21. Mayoral, 36.
