Almaniya yığmasının baş məşqçisi Yulian Nagelsman ölkənin Federal Kəşfiyyat Xidmətində çalışmış atasının taleyindən danışıb.
Arena.az “The Guardian” nəşrinə istinadən, alman mütəxəssisin müvafiq xüsusda fikirlərini diqqətinizə çatdırır:
“Atam mənə öz işi haqda nə vaxt danışıb? 15-16 yaşım olardı. Yaşadığımız Landsberq-am-Lexdən Münhenə təlim-məşq səfərlərim zamanı o, bu barədə tez-tez danışardı. O, az danışıb, ümumi məlumatın cüzi faizini söyləyib.
Ona iş haqqında danışmağa icazə vermirdilər. Atam iş anlarını bölüşməzdi. nəhayət bütün bunlar ona çox təsir etdi. Atamın ölüm səbəblərini anlamaq çətin idi. O, heç bir intihar qeydi qoymayıb, heç bir izahatı olmayıb. Amma onun intiharetmə tərzi onun qərarının tamamilə tarazlaşdırılmış olduğunu açıq şəkildə göstərirdi”, deyə Nagelsman kədərlə xatırlayıb.
Xatırladaq ki, Yulian Nagelsman 2023-cü ilin sentyabrından bundestimi çalışdırır. Onun Almaniya yığması ilə müqaviləsi 2024-cü ilin iyun ayının sonuna qədər qüvvədədir. Bundestim Nagelsmanın rəhbərliyi altında 4 oyun keçirib, 1 qələbə qazanıb, 1 heç-heçə edib və 2 məğlubiyyətə üzülüb.
Nagelsman daha öncə “Bayern”, “Leypsiq”, “Hoffenhaym” kimi klublarda da baş məşqçi kimi çalışıb.
AÇ-2024-ə ev sahibliyi edəcək Almaniya yığma komandası qitə birinciliyində İsveçrə, Şotlandiya və Macarıstan milliləri ilə birgə A qrupunda yer alıb.
