UEFA qurumun rəsmi saytında, Almaniyada keçirilmiş AÇ-2024-də azarkeşlərin fikrincə, vurulmuş ən gözəl 10 qolu təqdim edib.
Arena.az məlumat verir ki, müvafiq qollar əvvəlcə UEFA-nın texniki müşahidəçiləri tərəfindən seçilib, sonra isə internet saytında səsverməyə çıxarılıb.
Səsvermənin nəticələrinə görə, azarkeşlər Türkiyə – Gürcüstan oyununda (3:1) “ay-ulduzlu” müdafiəçi Mert Müldürün qolunu ən gözəl hesab ediblər.
Azarkeşlər 2-ci yerə ispaniyalı vinger Lamin Yamalın Fransa yığmasına vurduğu qolu, 3-cü yerə isə türk yarmmüdafiəçi Arda Gülərin Gürcüstan millisinə vurduğu qolu layiq görüblər.
Xatırladaq ki, İspaniya yığması AÇ-2024-ün finalında İngiltərə yığması üzərində 2:1 hesablı qəlbə qazanaraq, tarixində 4-cü dəfə Avropa çempionu olmaqla, mütləq rekorda imza atıb.
Azarkeşlərin seçimi əsasında AÇ-2024-ün ən gözəl 10 qolunu oxucularımıza təqdim edirik:
