Final mərhələsi Riqa və Kaunasda (Latviya və Litvada) keçiriləcək futzal üzrə Avropa çempionatının (AÇ-2026) əsas mərhələsinin püşkü atılıb.
Arena.az xəbər verir ki, bu gün baş tutan püşkatmat mərasimində 40 komanda hər birində 4 iştirakçı olmaqla 10 qrupa bölünüb.
Püşkatmada Azərbaycan yığmasının da rəqibləri müəyyənləşib. Millimiz 5-ci qrupda yer alıb. Futzalçılarımız Xorvatiya, İsveç və Yunanıstanla qarşılaşacaqlar. Oyunlar ev-səfər prinsipi ilə keçiriləcək. Qrup qalibləri birbaşa, ən yaxşı göstəriciyə malik 8 qrup ikincisi isə pley-off (ev-səfər) oyunlarında üz-üzə gələcək. İki oyunun yekununda üstün olan tərəf həlledici mərhələdə oynamaq hüququ əldə edəcək. Final mərhələsində bu iştirakçılara meydan sahibləri – Latviya və Litva da qoşulacaq və 16 milli Avropa çempionu olmaq uğrunda mübarizəyə başlayacaq.
Qeyd edək ki, püşkatma mərasimində ölkəmizi futzal üzrə A milli komandanın meneceri Fərrux Hüseynzadə təmsil edib.
AÇ-2026-nın oyun günləri
Əsas mərhələ: 9-18 dekabr 2024, 27 yanvar – 5 fevral 2025, 3-12 mart 2025, 7-16 aprel 2025.
Pley-off / püşkatma: 15 may 2025
Pley-off / oyunlar: 15-24 sentyabr 2025
Final mərhələsi (Latviya və Litva): 18 yanvar – 8 fevral 2026
1-ci qrup
Ukrayna
Rumıniya
Almaniya
Kipr
2-ci qrup
Finlandiya
İtaliya
Belarus
Malta
3-cü qrup
Polşa
Slovakiya
Moldova
Türkiyə
4-cü qrup
Sloveniya
Macarıstan
Monteneqro
Norveç
5-ci qrup
Xorvatiya
Azərbaycan
İsveç
Yunanıstan
6-cı qrup
Qazaxıstan
Ermənistan
Danimarka
Albaniya
7-ci qrup
Portuqaliya
Niderland
Şimali Makedoniya
Andorra
8-ci qrup
İspaniya
Bosniya və Herseqovina
İngiltərə
İsveçrə
9-cu qrup
Serbiya
Çexiya
Belçika
Avstriya
10-cu qrup
Fransa
Gürcüstan
Kosovo
Bolqarıstan
