İsveçrənin “Luqano” klubunun mərkəz müdafiəçisi Albian Haydari bundan sonra “Hoffenhaym”ın uğurları üçün çalışacaq.
Arena.az xəbər verir ki, bu barədə Almaniya klubunun rəsmi saytı məlumat yayıb.
“Hoffenhaym” bu transfer üçün “Luqano”ya 5 milyon avro ödəyib. İsveçrəli 22 yaşlı futbolçu ilə uzunmüddətli müqavilə imzalanıb.
Albian Haydari “Bazel”in yetirməsidir. O, 2020-ci ildə 4,5 milyon avro müqabilində İtaliya nəhəngi “Yuventus”a qoşulub. Turin klubunda olarkən icarə əsasında “Bazel” və “Luqano”da icarəyə göndərilən futbolçu 2023-cü ilin yayında 742 min avro müqabilində birdəfəlik İsveçrə klubuna keçmişdi.
Haydari İsveçrənin müxtəlif yaş qrupları üzrə yığmalarında oynadıqdan sonra bu il əsas millidə debüt edib. Amma o, yığmanın heyətində cəmi 1 oyun keçirib.
“Transfermarkt” internet-portalı 22 yaşlı müdafiəçinin transfer dəyərini 12 milyon avro məbləğində qiymətləndirir.
