“Liverpul”un niderlandlı baş məşqçisi Arne Slot “qırmızılar”ın aparıcı oyunçularının klubdan ayrılma ehtialı ilə bağlı fikrini bildirib.
Arena.az məlumat verir ki, söhbət ingilis sağ cinah müdafiəçisi Trent Aleksander-Arnold, niderlandlı mərkəz müdafiəçisi Vircil van Deyk və misirli ulduz hücumçu Məhəmməd Salahdan gedir.
“Düşünürəm ki, siz futbolçularımızı aşağı qiymətləndirirsiniz. Bu oyunçular müqavilə əsasında olub-olmamasından asılı olmayaraq, gündəlik olaraq bütün yüksək səviyyəli klublarla əlaqə saxlamağa öyrəşiblər.
Onların bu maraqdan narahat olduqlarını düşünürsünüzsə, deməli, onların mənəvi cəhətdən nə qədər güclü olduqlarına haqq qazandırmırsınız. Bu, bizim işimizin bir hissəsidir. Bu, yaşadığımız dünyanın bir parçasıdır. Sadəcə, nə etməli olduğunuza diqqət yetirin.
Bəlkə 17 və ya 18 yaşınız varsa, bu, sizin üçün çətin ola bilər. Amma Trent liqanı qazanıb, Çempionlar Liqasını qazanıb; Vircil və “Mo” da eynilə. Düşünmürəm ki, bu, onlar üçün bir fəsaddır. Biz bunu hazırda da görürük, çünki onlar çox yaxşı oynayırlar”, – Arne Slot jurnalistlərə açıqlamasında bildirib.
İngiltərə Premyer Liqasının 7 turundan sonra 18 xal toplamış “Liverpul” yarış cədvəlinin zirvəsində qərarlaşıb.
