Almaniyanın “Bayer” klubunun hücumçusu Florian Virts koronavirusa yoluxub.
Arena.az xəbər verir ki, bu barədə Bundesliqa təmsilçisinin mətbuat xidməti məlumat yayıb.
Xəbərdə 17 yaşlı futbolçunun COVİD-19 testinin pozitiv çıxdığı diqqətə çatdırılıb. Alman futbolçu karantinə alınıb.
Almaniyanın gənclərdən ibarət yığmasının da üzvü olan Virts, bu mövsüm Bundesliqada 20 oyuna çıxıb və 4 qola imza atıb.
