İtaliyanın “Fiorentina” klubunun yarımmüdafiəçisi Borxa Valero karyerasını başa vurub. Arena.az xəbər verir ki, bu barədə 36 yaşlı futbolçu sosial şəbəkə hesabında paylaşım edib.
İspaniyalı futbolçu karyerasını sonlandırdığını bildirib.
Borxa Valero Madrid “Real”ının yetirməsidir. Lakin o, bu klubun əsas komandasında oynamaq şansı qazanmayıb. Yarımmüdafiəçi karyerası ərzində İspaniyada “Vilyarreal”, “Malyorka”, İngiltərədə “Vest Bromviç”, İtaliyada “İnter” kimi klublarda da çıxış edib.
Təcrübəli futbolçu İspaniya yığmasında bir oyuna çıxıb.
