Bu gün futbol üzrə UEFA Çempionlar Liqasında 2022/2023 mövsümünün yarımfinal mərhələsi çərçivəsində daha bir ilk oyun baş tutub. Arena.az xəbər verir ki, ikinci yarımfinal görüşündə İtaliyanın iki təmsilçisi – “Milan” və “İnter” komandaları üz-üzə gəliblər.
Eyni şəhərin təmsilçiləri olan bu komandaların duelində ilk matça “Milan” ev sahibliyi edib. Amma qarşılaşma meydan sahibləri üçün uğursuz alınıb. Matçın əvvəlindəcə iki erkən qola imza atan qonaqlar bu üstünlüyü sonadək qorumağı bacarıblar. Nəticədə “İnter” ilk oyundan inamlı səfər qələbəsi ilə ayrılıb.
Xatırladaq ki, İspaniyanın “Real” və İngiltərənin “Mançester Siti” komandaları arasında baş tutan yarımfinalın digər ilk oyununda heç-heçə qeydə alınıb – 1:1.
UEFA Çempionlar Liqasında yarımfinal mərhələsinin cavab oyunları mayın 16-17-də keçiriləcək.
UEFA Çempionlar Liqası
Yarımfinalın ilk oyunu
10 may
Milan – İnter 0:2
Qollar: Edin Dzeko, 8. Henrix Mxitaryan, 11.
Baş hakim: Xesus Mansano (İspaniya)
Milan. “Cüzeppe Meatsa”.
Milan: Mayk Menyan, Davide Kalabriya (Pyer Kalulu, 82), Simon Kyaer (Malik Tiav, 59), Fikayo Tomori, Teo Hernandes, Rade Kruniç, Sandro Tonali, İsmael Bennaser (Junior Messias, 18), Aleksis Salemakers (Divok Oriqi, 59), Braim Dias (Tommazo Pobeqa), Olivye Jiru.
Ehtiyat oyunçular: Antonio Mirante, Lapo Nava, Fode Ballo-Ture, Matteo Qabbya, Şarl De Ketelare, Ante Rebiç.
Baş məşqçi: Stefano Pioli.
İnter: Andre Onana, Alessandro Bastoni, Françesko Açerbi, Matteo Darmian, Federiko Dimarko (Stefan de Vrey, 70), Denzel Dumfris, Nikolo Barella, Hakan Çalhanoğlu (Roberto Qalyardini, 78), Henrix Mxitaryan (Marselo Brozoviç, 62), Edin Dzeko (Romelu Lukaku, 70), Lautaro Martines (Xoakin Korrea, 78).
Ehtiyat oyunçular: Samir Handanoviç, Aleks Kordats, Robin Qosens, Raul Bellanova, Danilo Dambrozio, Mattia Zanotti, Kristian Asllani.
Baş məşqçi: Simone İnzaqi.
