İngiltərənin “Mançester Siti” klubu müdafiəçisi Con Stounz ilə müqavilənin müddətini artırıb. Arena.az xəbər verir ki, bu barədə “şəhərlilər”in mətbuat xidməti məlumat yayıb.
27 yaşlı futbolçu ilə yeni sözləşmənin müddəti 2026-cı ilin yayına qədər nəzərdə tutulub.
Qeyd edək ki, Con Stounz peşəkar karyerasına yetirməsi olduğu “Barnsli”də bşalayıb. O, 2013-2016-cı illər aralığında “Everton”un uğurları üçün çalışır. İngilis futbolçu 2016-cı ilin avqustundan “Mançester Siti”də çıxış edir. Mərkəz müdafiəçisi indiyə qədər “şəhərlilər”in heyətində 168 matça çıxıb, 10 qola imza atıb.
Stounz həm də İngiltərə milli komandasının formasını geyinir.
