İtaliyanın “Yuventus” klubunun Niderlanddan olan mərkəz müdafiəçisi Din Heysen A Seriyasının digər təmsilçisi “Roma”ya keçib.
Arena.az xəbər verir ki, bu barədə paytaxt klubu rəsmi saytı vasitəsilə məlumat yayıb.
“Canavarlar” 18 yaşlı futbolçunu 2023/2024 mövsümünün sonuna kimi icarəyə götürüblər. Müqavilədə satınalmaya dair şərt nəzərdə tutulmayıb. Heysen yeni komandasında 3 nömrəli formanı geyinəcək.
Din Heysen “Yuventus”a 2021-ci ilin yayında İspaniyanın “Malaqa” klubundan gəlib. Turin təmsilçisinin gənclərdən ibarət kollektivində oynamış müdafiəçi “Yuventus”un əsas komandasında cəmi 1 oyun keçirib. O, Niderlandın U-16, U-17 və U-18 yığmalarında da oynayıb.
