Argentina millisinin yarımmüdafiəçisi Entso Fernandes dünya çempionatları tarixində final oyununda meydandan qovulan altıncı futbolçu olub.
Arena.az xəbər verir ki, 25 yaşlı futbolçu DÇ-2026-nın İspaniyaya qarşı keçirilən finalında əlavə vaxtın ikinci hissəsinə artırılmış 3-cü dəqiqədə ikinci sarı vərəqə alaraq meydanı tərk edib.
Qarşılaşmanın əsas vaxtı 0:0 hesabı ilə başa çatıb. Əlavə vaxtda isə İspaniya Ferran Torresin vurduğu qolla 1:0 hesablı qələbə qazanaraq dünya çempionu olub.
Dünya çempionatlarının final tarixində bundan əvvəl sonuncu dəfə meydandan qovulan futbolçu 2010-cu il finalında Niderland millisinin müdafiəçisi Con Heytinqa olmuşdu. O, İspaniyaya qarşı keçirilən həlledici görüşdə qırmızı vərəqə almışdı.
Final oyunlarında qırmızı vərəqə alan futbolçuların tam siyahısı belədir:
- Pedro Monson (Argentina) – 1990-cı il finalı
- Qustavo Desotti (Argentina) – 1990-cı il finalı
- Marsel Desayi (Fransa) – 1998-ci il finalı
- Zinəddin Zidan (Fransa) – 2006-cı il finalı
- Con Heytinqa (Niderland) – 2010-cu il finalı
- Entso Fernandes (Argentina) – 2026-cı il finalı
Qeyd edək ki, Argentina millisi 2026-cı il dünya çempionatının finalında İspaniyaya 0:1 hesabı ilə uduzaraq titulunu qoruya bilməyib.
