Futzal üzrə Azərbaycan milli komandası Yunanıstan yığmasına qarşı keçirəcəyi oyun üçün təlim-məşq toplanışına start verib.
Arena.az bu barədə Azərbaycan Futzal Federasiyasının rəsmi saytına istinadən xəbər verir.
Belə ki, milli komandamız Avropa çempionatının (AÇ-2026) əsas mərhələsi çərçivəsində növbəti oyununu Afinada Yunanıstan yığmasına qarşı keçirəcək. Komandamız bu gündən etibarən həmin oyunun hazırlığıa başlayıb. Futzalçılarımız martın 8-nə qədər Bakıda hazırlıq keçəcəklər.
Baş məşqçi Vitali Borisov 3-ü qapıçı olmaqla 16 futzalçıya dəvət göndərib. Millimiz səfərə martın 9-da çıxacaq.
Qeyd edək ki, martın 11-də keçiriləcək Yunanıstan – Azərbaycan oyununa Bakı vaxtı ilə saat 21:00-da start veriləcək.
Heyətdə bu futzalçılar yer alıblar:
- Emin Kürdov – Araz-Naxçıvan
- Rövşən Hüseynli – Astana (Qazaxıstan)
- Novruz Kazıxanov – Araz-Naxçıvan
- Emil Həsənzadə – Neftçi İK
- Xəzər Ağalızadə – Araz-Naxçıvan
- Tofiq Mikayılov – Baku Fire
- Kənan Manafov – Baku Fire
- Oktay Rüstəmli – Baku Fire
- Nihad İsmayılov – Baku Fire
- Fərid Atakişiyev – Neftçi İK
- Ülvi Əliyev – Araz-Naxçıvan
- Eldar Zeynalov – Neftçi İK
- Seymur Məmmədov – klubsuz
- Nurlan Mehdizadə – Baku Fire
- Kamran Hacıyev – Baku Fire
- Murad Quluzadə – Baku Fire
